انجي مصطفى لقائد الانقلاب: بير الماء الــ هيكفي لـــ 100 سنة فين ؟ لما هتعالج مياه الصرف الصحي

 

سخرت الناشطة والكاتبه الصحفية إنجى مصطفي من دعوة السيسي ووزير الري إلى معالجة مياة الصرف الصحي لاستعمالها للشرب وقالت في تغريدة لها على تويتر” “مطلوب من وزير الري أنه زي ما حط راسه جوه الأرض يكتشف بير الميه و يقولنا رأيه فيه ، أنه يحط رأسه جوه ماسورة صرف صحي معالجة و يقولنا رأيه فيها” وتسائلت “هو إلبير اللي كان هيكفينا 100 سنه قدام .. نشف ولا إيه؟” وأضافت “في اعتقادي الشخصي أن أهم مشروع من ال 34 مشروع اللي افتتحهم السيسي ، مشروع معالجة مياه المجاري .. و تطفيحه للشعب , إنجاز ده يا متعلمين ولا مش انجاز

 وردت على من ينتقدون منتقدى مشروعات السيسي في أكتوبر “الببغانات اللي بيرددوا أننا سبنا ال 34 مشروع للي افتتحهم السيسي و مسكنا في السجادة يلا ورونا همتكم ورصولنا ال 34 مشروع في البوست” وقالت إنجى في تغريدة طويلة”اللي بيقولولنا وانتو مالكم والسجادة حرقاكم في إيه ؟ أصل فلوس السجادة دي كانت ممكن تتضاف على معاش باباك اللي أمك داخله جمعيات علشان مش مقضيها كان ممكن تتوجه هي وغيرها في مشروع تقدم فيه حضرتك و تشتغل و تصرف بيه على نفسك بدل قعدة القهاوي كان ممكن تتوجه هي ومصاريف الاحتفالات عالفاضي والمليان بإنجازات خايبه لمحطات تحلية البحر بدل شرب المجاري طالما ريسك اللي بتعشقه لاسباب مجهولة ما طلعش دكر في موضوع سد النهضة كان ممكن الحكومة تسدد بتمن السجاد ديون الغارمات المحبوسين علشان 100 جنيه كان ممكن الحكومة تصرفهم في سفلتة شوارع اكتوبر المليانه حفر و شقوق بدل دغدغة العربيات عليها كل يوم كان ممكن و كان ممكن بس انت و غيرك السبب في بلاء مصر انت و غيرك اللي بتصنعوا من أشخاص أقل من العاديين طواغيت و فراعنة و لو كان التمن هو جميلة اغتصاب الحكم
من الاخوان . تقدر تفهمنا مصر هتفضل تسدد التمن لامتى من قوتك و قوت ولادك ؟

فيديو لقائد الانقلاب وهو يعد المصريين بانجازه الاكبر